ماكني اعرفه ولاكني ابغيه

تحيه طيبه للجميع

رائعه من روائع الرائع : محمد بن فطيس

طبعا سمعت كلماتها بتوقيع الخالــد فتمت عملية اللطش

اتمنى ان تنال اعجابكم

ما كنـّي اعرفـه ولا كنـّي ابغيـه
وانا عليه من امّه احـّب واجـرى

ياكثرهـا تسليمـة(ن) يـوم الاقـيـه
لي عين تكتب له وله عين تقـرى

وإن حلّ طاريـه تجاهلـت طاريـه
ماكنّي ادري عنه وانـا بـه ادرى

بسكات يغليني وانـا حيـل مغليـه
لا تيلفـون ولا مواعيـد غــدرى

يصون ودّي عن عذوله واحاميه
وانا عليه احجا من القلب واذرى

حبّ(ن) عفيف(ن) والصراحه سواقيه
في وقتنا ماظنتي زاد يطرى

لا اسولـف بحبـّه ولانـي بكانيـه
وغيري لو انّه يوالفه كـان هـذرى

احشم قريبه حشمـة(ن) لـه واداريـه
واخشا يجي في خاطره شي وادرى

لايحسب انّي يوم قفّيت ناسيه
لعيونه انّي ماتحاليت عذرى

ليت الزمن يرجع وانا اعلمـه ليـه
ولا الحظوظ من المقابيـل تشـرى

كل العذارى في الوفا ماتساويه
كنّه يمين وباقي الغيد يسرى

قولوا له اني مارتضي بالبـدل فيـه
لا مال قارون(ن) ولاعرش كسـرى

يرتاح ماغيره مـلا عيـن هاويـه
غلاه نهر النيـل والقلـب مجـرى

واكبر دليل اني الى غـاب احاتيـه
كم لليلة(ن) ماتت على كـف مسـرى

وان قالوا انه شرق وازريت لا اجيه
وجهت وجهي كل ما نمـت حـدرى

===============

وسلامتكم

يسلمو ع تلطيييشه

تقبلي مرووري حكومتييي غلا نفسي