أنا ماخـون ياخـاين وحـبي ماعـرف نقـصـان

أبفتح كل صفحاتـي وأبحـكي لك مـن الوجـدان
ـــــــــــــــ وأنا أترجـاك تسمعـنـي وتعـرف كـل مافينـي

أنا ليـلٍ طـواه الهـمّ وفجـره للأسـف مابـان
ـــــــــــــــ ظلامه زايدٍ عتـمـه .. ولابـه نـور يضوينـي

أنا بحـرٍ عميق القـاع وموجـه يشبـه الطوفـان
ـــــــــــــــ ولابه زورق يرسـي علـى سطـحـه يسلينـي

أنا عمري ولحـظـاته .. ألـم مع هـمّ مع أحـزان
ـــــــــــــــ كتمت الجـرح في صدري وناره حـيـل تكوينـي

عطيتك كـل ما أملـك ومايغـلـى لعـينـك هـان
ـــــــــــــــ أبيك تكون .. لي وحـدي .. حـبيب وماتخـلينـي

بنيت بداخلي < قـصـرٍ > أبيـك تكمـل البنيـان
ـــــــــــــــ لقـيتك هادم < قـصري > وساسـه بـدّل بطـينـي

يهـلّ الدمع من عيني إذا شفـتـك علـي زعـلان
ـــــــــــــــ وأدوّر كل مايرضـي ... ضميـرك يامعـنينـي

تحـمّلت الطعـون وقـلت لك باكـر تصيـر إنسـان
ـــــــــــــــ وبدل ماتشفـي طعـونـي .. بسكينـك تعـادينـي

نهاية حـبنـا بانـت . . بـروح لعـالـم النسيـان
ـــــــــــــــ حـلفت أنساك ياخـلي .. وأنا مابيـك تطـرينـي

أنا عندي كرامه وإنت صعـب إنـك تهيـن إنسـان
ـــــــــــــــ يصون العـهد في حـبك .. خـساره طحـت من عيني

أنا ماخـون ياخـاين وحـبي ماعـرف نقـصـان
ـــــــــــــــ بتـمّم كلمتـي وأنهـي غرامـك مـن شراييني

....تحـمّلت الطعـون وقـلت لك باكـر تصيـر إنسـان
ـــــــــــــــ وبدل ماتشفـي طعـونـي .. بسكينـك تعـادينـي....

^_^ يسلموو حبيبي تقبلي مروري ^_^

تسلمييييين عالمرررررووورررر حبووبه

واتمنى لج المزيد من تفااعل